காதல் எப்படிக் கருணையாகும்?

இருளும் ஒளியும் கலக்கும்போது உயிர் உருவாகிறது. சிவம் ஒளி, சக்தி இருள் என்று கொள்வது தமிழ்ச் சித்தர்கள் மரபு. மனம் என்பது சக்தியின் கொடை. அது உற்பத்தியான இடம் தாயின் கருவறை. ஆனால், கருணை என்பது சிவத்தின் கொடை. அது உற்பத்தியான இடம் தந்தையின் விந்து. விந்து என்றாலே ஒளி. ஒளியால் கருணை உண்டானது என உரை விளக்கம் நீளும்.

எப்போதும் நாயகர்கள் அசடர்கள்தான். அவர்களின் மொழி நேரடித்தன்மையைத் தாண்டிச் செல்வதில்லை. ஆனால், நாயகியர் உதிர்க்கும் ஒவ்வொரு வார்த்தைக்குள்ளும் தத்துவமொன்று உள்ளுறைந்து நிற்கிறது. அவள் தாய். சக்தி. அவள் கருணைக்கு அதாவது சிவத்துக்கு அளித்த பரிசல்லவா குழந்தை?